Pelaksanaan Adat Batak Maiturun / Mangalua Atau Kawin Lari
MAITURUN / MANGALUA
ATAU KAWIN LARI
Pada jaman sekarang ini sudah jarang kita mendengar berita tentang kawin lari atau mangalua selain tingkat kesadaran orang tua sudah mulai tinggi dan didukung dengan ekonomi yang mulai membaik.
Salahkah bagi orang Batak kawin lari atau mangalua atau maiturun ?
Jawabnya , tidak !
Karena kawin lari itu dilindungi adat, jadi kalau dua orang remaja kawin lari tidak boleh mereka pergi ke hotel atau disembunyikan dirumahnya atau dirumah saudaranya, ia harus membawanya kerumah salah seorang majelis Gereja atau Sintua .
Mengapa harus dibawa kerumah Sintua atau majelis gereja, untuk menjamin bahwa sigadis sejak meninggalkan rumah orang tuanya sampai saat pemberkatan nikah tidak pernah melakukan jinah dengan tunangannya.
Apa yang menjadi penyebab sehingga dua remaja melakukan kawin lari ?
Dari beberapa kejadian dapat dicatat demikian
1. Oleh karena orang tua pihak parboru atau par-
anak tidak merestui hubungan perkawinan
mereka
2. Faktor ekonomi , tidak punya uang untuk me-
laksanakan adat tetapi sudah ada keinginan
untuk berumah tangga
3. Oleh karena factor cinta .
4. Cara berpikir yang sangat sederhana.
Cara berpikir orang dulu sangat beda dengan cara berpikir orang jaman sekarang. Kalau orang tua dulu apabila anaknya sudah dewasa atau sudah gadis lansung disuruh berumah tangga walau persiapan untuk itu belum ada , bahkan sering terjadi baru berkenalan pada saat martandang langsung kawin lari karena kedua remaja itu sudah saling setuju pada saat itu, jadi sangat sederhana cara berpikir orang-orang dulu tentang perkawinan itu, dan ini salah satu factor penyebab orang dulu sering kawin lari.
Kalau remaja sekarang sudah membuat beberapa pertimbangan tujuannya agar kalau sudah terlak-sana nanti perkawinan itu tidak mengecewakan, walau sering kita dengar saat ini banyak rumah tangga orang Batak tidak serukun orang-orang dulu.
Kita lihat satu contoh:
Setelah Sihoras Tambunan dewasa bertanyalah orang tuanya kepada si Horas : “ Kapan kau Horas mambuat boru ? “
Sihoras memberi jawaban kepada ibunya sudah dia coba kemana-mana mencari jodoh tetapi belum juga ketemu, bukan karena tidak ada niat , tetapi karena jadoh yang belum ketemu. Mendengar itu
ibu dan bapak si Horas terpikir mungkin ada hangalannya (hambatannya) agar terbebas dari hangalan itu dipotonglah ayam dan si Horas pun diupa orang tuanya dengan harapan agar kalau ia berangkat mencari jodoh cepat ketemu
Orang tua si Horas :
Amang horas ia hami natorasmu nungnga murhabis gogo, ho nama amang na huparmudu hami, ala ni i amang hupatupa hami do dison sipanganon mu , asa molo borhat ho lao mangalu-lui sirongkap ni tondim , tibu pajumpang, sai daoma angka hangalan dohot abat-abat , tibu barita las niroha boanon mu tu huta on.
Setelah dibuat sipanganon berangkatlah si Horas mencari gadis pujaannya entah dimana , namun dari satu kampung kekampung yang lain dilaluinya belum juga ketemu, tetapi ketika ia sampai di huta ni tulang na marga Tampubolon, dengan tidak diduga si Horas bertemu pandang dengan seorang gadis yang saat itu langsung memikat hatinya..
Si Horas mulai pasang siasat dengan terlebih dahu-lu menanyakkan siapa ketua naposo bulung dihuta ini dan didekatinyalah ketua naposo bulung itu untuk minta ijin agar nanti malam ia bisa martandang kerumah podoman ni namarbaju yang dilihatnya tadi siang.
Malam harinya si Horas dengan temannya menda-
tangi rumah podoman gadis yang dilihatnya tadi siang, mereka mulai berkenanlan dengan sambil melemparkan pantun :
Boru Tampubolon
Jolo tiniptip sanggar da ito , baen huru-huruan
Jolo sinungkun marga , asa binoto partuturan
Si Horas Tambunan
Ianggo ramba nami da ito , rio-rio ramba naposo, Ianggo marga nami da ito, ndada tarpaboa-boa dst..
Ternyata si Horas tidak bertepuk sebelah tangan , gadis yang baru sekali dilihatnya itu , juga mena-ruh hati kepadanya, pembicaraan merekapun sudah mulai mengarah pada hubungan berumah tangga dan ternyata juga gayung bersambut, hanya ada hambatan yang harus dihadapi yaitu, pasti orang tua boru Tampubolon tidak setuju kalau kawin lari selain itu masih ada diatasnya yaitu ito yang manodohonnya belum berumah tangga.
Tetapi oleh karena tekad mereka berdua sudah bulat dan menyatu , diputuskanlah dua hari beri-kutnya , pada saat ari onan, ada kesempatan untuk mangalua karena orang tuanya akan pergi maro-nan (kepasar), dan kesempatan itu benar-benar menjadi kenyataan dan hari itu mangalualah si Horas dengan boru Tampubolon pujaan hati yang
baru tiga hari dikenalnya.
Ketika mereka sudah sampai dipinggir huta ni si Horas, berhentilah mereka sejenak dan si Horas mengutus temannya (pandongani) mendahului mereka tu huta untuk memberitahu orang tuanya bahwa ia sudah datang membawa boru.
Mendengar itu orang tua si Horas sibuk pahem-bang lage , dan beraspun segera di rendam untuk membuat itak siborgo borgo, dan ketika si Horas dan calon istrinya sampai dirumah, orang tua si Horaspun beserta keluarga sudah siap menyambut kedatangan mereka , dengan menaroh beras sipir ni tondi keatas kepala anaknya dan calon parumaen-nya, kemudian disuruh duduk di halangulu. Diberitahulah semua dongan tubu, boru dan dongan sahuta. .
Setelah semua dongan tubu dan Pamoruan serta dongan sahuta berkumpul dirumah si Horas diputuskanlah lima hari berikutnya akan diberkati (dipasu-pasu), setelah terlebih dahulu diwartakan di Gereja, dan selama lima hari itu calon penganten wanita tidur dirumah majelis Gereja. .
Diutuslah dongan tubu dan boru naposo manaru-hon ihur-ihur tu huta ni hula-hula Tampubolon dan pada saat mereka sampai dirumah orang tua sigadis bukannya mereka diterima dengan baik tetapi justru lansung dimaki-maki dan diusir, tetapi utusan ini tidak putus asa mereka pergi keru-
mah amang tua si gadis, juga diusir , dan utusan ini pergi lagi kerumah udanya, dan udanya menerima, dan diberitahulah bahwa borunya telah diparaja dan sudah diberkati di Gereja.
Dalam adat Batak tindakan udanya menerima ihur-ihur itu dapat dibenarkan, walau sesungguhnya orang tua dan amang tuanya sudah menolak.
Mengapa dapat dibenarkan ?
Karena dihorong ni halak Batak abang dan adek adalah sisada lulu anak jala sisada lulu boru
Ketika utusan ni paranak hendak pulang , uda ni boru muli menyuruh dua orang naposo mengikuti utusan ni paranak untuk membuktikan kebenaran dari apa yang mereka sampaikan.
Beberapa waktu setelah hari pemberkatan itu , pergilah utusan ni paranak ke rumah orang tua ni parumaen untuk melobi bahwa marga Tambunan bermaksud datang pada hari yang telah ditetapkan lao manuruk nuruk huhut manopoti sala ni anak dohot parumaenna tu hula-hula Tampubolon dan ternyata orang tua dari parumaen itu dapat menerima , oleh karena itu ditetapkanlah hari untuk Manuruk-nuruk
Setelah rombongan orang tua si Horas sampai di rumah simatuanya, demikian juga dengan pihak Tampubolon memang sudah siap untuk menyam-but kedatangan pamoruannya:
Diletakkanlah boan-boan itu ditengah-tengah rua-ngan dan setelah duduk semua , raja parhata ni parboru bertanyak apa arti kedatangan mereka :
Parhata ni parboru
Dihamu pamoruan nami , huida hami udur hamu rap dohot dongan tubu muna , boru muna dohot dongan sahuta muna tubagas nami namarampang na marjual on, huhut mamboan sipanganon aha do lapatan ni haroro muna on raja ni boru .
Parhata ni paranak
Tingkos do hata munai Raja nami ro hami udur rap dohot dongan tubu nami , boru nami dohot dongan sahuta nami , mauliate ma raja nami siala Raja do hamu jala parbahul-bahul na bolon , na paloashon hami masuk tu bagas na marampang namarjual on, hundul diamak tiar, antong sai tiar ma sude na tasangkapi diangka ari nauli, anggo sintuhu ni sipanganon i Raja nami barita las niroha do i,
di sigati rajai ma jolo, anon pe tumangkas huhata hon hami dung sidung hita marsipanganon, botima.
Parhata ni parboru.
Dung disigati raja parhatai laos didokma.
Mauliate ma Raja ni Boru, barita las ni roha do hape , antong di hamu boru nami , boan hamu ma tu pudi jala pature hamu asa tadai na binoan ni pamoruanta on.
Setelah semua terhidang , datanglah dari pihak paranak pasahat tudu-tudu ni sipanganon , bersama kedua penganten baru.
Parhata ni paranak :
Raja nami dison hupatupa hami do sipanganon dihamu , sipanganon las niroha , sipanganon na marsaudara siala sangap do hamu dihami Raja nami, tung so sadia pe Raja nami sipanganon na hupatupa hami on sai pamurnas ma tu pamatang muna saudara tu bohi , sipasindak panaili sipanea-ng holi-holi , horas ma hamu na manganhon , mar-ganda-ganda ma nang dihami na patupahon , botima
Parhata ni parboru
Dihamu Pamoruan nami, dison hupatupa hamido di hamu dengke simudurudur , dengke sitio-tio,
dengke sahat , asa mangudurhon las ni roha ma haroro muna on mangudurhon panggabean tumpa-hon ni Tuhanta pardenggan basai, horas ma hamu na manganhon horas nang hami na patupahon, botima.
Seperti biasa doa makan dari pihak paranank yang menyediakan makanan, dan setelah selesai marsi-panganon dilanjutkan pihak paranak mengucapkan
Sititi si hoppa , golang-golang pangarahutna
Tung songonipe raja nami na tupa godangma pinasuna , marjomut ma hita , botima
Setelah selesai makan pihak parboru menanyakkan perihal tudu-tudu nisipanganon yang dipasahat tadi
Parhata ni parboru
Dihamu Raja ni Pamoruon nami, dison nungnga di pasahat hamu nangkin tu hami tudu tudu ni sipa nganon , boha partording nion masiajar-ajaran hita.
Parhata ni paranak
Mauliate ma raja nami , nungna tangkas nangkin hupasahat hami tu hamu raja nami , asa ipe surung-surng muna doi raja nami, botima.
Parhata ni paranak
Didok pamoruanta surung-surung ta do on,antong dihamu boru nami pauli hamu ma denggan dipudi
asa boi hulanjuthon hami na mangkatai dohot pariban muna.
Parhata ni parboru
Antong Raja ni boru tauduti ma namangkatai.
Songon nidok ni natua tua, sai jolo ni nangnang do asa ni nungnung, sai jolo pinangan do asa sinung kun , nungnga bosur hami mangan indahan na las i, sagat marlompan juhut nataboi, disido gandina disi gandona disi do daina disi do nang tabona , sir-sir ansimna hona nang asom , antong dia ma lakkat na dia unok na dia hatana dia nidokna , hatahon hamu ma sian i Raja ni boru..
Parhata ni paranak
Mauliate ma Raja nami, nungnga ma nungkun Raja i dihata ni sipanganon naso sadia i,
Bulung ni ansosoit,
Dongan ni bulung ni team
Tung so pola hami na mangkolit , .
Alai i dope natarbaen .
Antong sai manumpak ma tondi muna Raja nami manuai sahala muna, asa marganda-ganda dope antong dihami sinadongan asa adong patupa on nami sipanganon natumabo sian on lao pasangap-
hon hamu hula-hula nami, antong lapatan ni sipanganon on parhorason panggabean do raja nami, botima .
Parhata ni parboru.
Las roha nami umbege hata munai Raja ni Boru, molo ido antong hata nisipangannon i, asima roha ni Tuhanta , sai ditambai dope dihamu pansamotan asa dapot songon nidok ni umpama
Tubu hau situlan
Didolok ni Sitapongan
Sai asima roha ni Tuhan ,
Martamba-tamba dihamu pansamotan
Alai Raja ni boru , marangkup do nauli mardongan do nadenggan , asa siangkupna songon nahundul sidonganna songon namardalan , .
Pitu antualu, Paualu ambaroba
Unang pola hamu songon na malu
Paboahon na diroha , botima.
Parhata ni paranak.
Tingkos do na nidok muna i Raja nami,marangkup do nauli mardongan do na denggan, asa siangkup na songon na hundul sidongan na songon na mardalan tangkas ma antong paboa on tu Raja i na gompang dipusu-pusu na solot di ate ate.
Alai parjolo ma hami marsantabi huhut marsomba dohot jari-jari sampulu molo tung adong annon diangka pandohan nami nasala manang na hurang lobi nanget ajar-ajari hamu hami raja nami
Nian anggo siala parulaan nami do Raja nami na patut do usiron muna hami sian bagas na maram-
pang na marjual on , hape suhar-suhar nai do na ro, ai di pahundul hamu do hami di amak tiar , ima tandana pat ni gaja do hamu tu pat ni hora , anak ni raja do hamu pahompu ni na mora , jala parbahul bahul nabolon , sihorus na suk-suk siambai na longa..
Jala ido raja nami umbaen na barani hami ro mandok hata nami tu hamu.
Jadi Raja nami umbahen na ro pe hami tu bagas na sangap na martua on na paboahon do hami tu hamu , ia boru muna nungnga huparaja hami jala pinahundul dijabu bona.
Nian raja nami ndada panolopi hami di pambahen ni anak nami i, ai ndada songon tataganing hami marguru tu anak na.
Alai behama Raja nami bahenon , ai nungnga tung marsigorgor huroha holong ni roha ni anak nami tu boru ni rajai, gabe ndang sabar be ibana mandalani dalan nasomal, gabe songon panangko borngin ibana pasauthon sangkap ni rohana.
Ndang tarbahen be turak ,
Ai nungnga sor gok tagan
Ndang tabahen be mulak ,
Ai nungnga sor sun mardalan
Ala natoras na do hami , ndang tarjua so dohot hami mamorsan hasalaan i.
Dangka ni tada-tada , Majomba tu bonana
Hasalaan ni anakna , Mangonai tu natorasna
Ipe raja nami nungnga sala hami si ala parulaan ni anak nami i, jala ido na naeng topotan nami tu hamu raja nami .
Gala-gala sitelluk
Telluk nai mardagul-dagul
Pambahen ni anak nami na sala i
Nanget ma ni apul-apul
Nuaengpe Raja nami sapala naung denggan hami dijalo hamu di bagas na sangap na martua on, ba laos jangkon hamu ma anak nami on gabe anak muna situtu.
Taringot di uhum sidabuon muna tu hami Raja nami , ndada manjua hami disi , sai na tuhuhon nami do parenta muna olat ni na tarbahen hami, botima.
Parhata ni parboru
Ido hape na hinarohon muna jala na naeng dohonon muna tu hami , ala na manuruk tohang do haroro muna tuson pajolo gogo papudi uhum anak muna , na uli ma i , alai tangkas do diboto hamu aha uhum tu angka si laosi patik
Sisuan bulu do hamu , Jala sipanjala
Siboto uhum do hamu , Jala anak ni raja .
Ala ni i jolo sungkunon nami do angka amanta raja na pungu on.
Diadophon ma pangkataion i tu natorop tu angka raja napungui.
Nungnga rap umbege hita di hata nasida , na pajolo gogo papudi uhum do nasida , antong dia ma uhum si dabu on tu angka silaosi patik, hamu dongan sahuta ma jolo mangalusi.
Raja ni dongan sahuta
Mauliate ma dihamu suhut nami , diendehon hamu hataon tu hami dongan sahuta,
Ba ingkon borat do uhum tu na sida, ai tung iba sandiri pe boi do mangkilala tung na hansit jala na paet do pambahenan na sida on.
Diari nasalpu ni ida do anak ni raja i ro tu huta on, jala songon naburju do ni ida ndang rumang olo mambahen songon i.
Hape silaosi uhum do nasida silaosi patik .
Ala ni i tung so jalo on do somba-somba na sida na tu hasuhuton i , ia so jolo denggan somba-somba nasida tu :
1. Tu ungkap harbangan, ima sitiop kunci ni harba-
ngan ni huta on, asa boi ungkap pintu tu nasida 2. Sanke hujur/sitiop hujur , ima angka pengawal
ni hutanta on, asa disangke hujur na asa boi hamu mangalangka/ mardalan
3. Raja ni huta, asa boi hamu mandok sidohonon
muna
4. Pangihut ihut naung mansai loja mangalului,
boha pandok muna , botima !
Parhata ni paranak
Tingkos do na nidok muna i Raja nami , huboto hami do naung sala anak nami ala ni i ndang manjua hami dihata ni raja i , nuaeng pe ise ma parjolo sombaon nami raja nami ?
Dipatuduhon Rajai ma .
Parhata ni parboru :
Pasahat hamu ma :
1. Tu si ungkap bahal , ia siungkap bahal ima saha- .
lak sian Raja ni boru di lean ma hepeng tu si.
2. Raja ni huta manang kepala Kampung
3. Sangke hujur , ima pengawal ni huta bagian
keamanan
4. Pangihut-ihut pariban ni na mangalua i.
Dung sude di oloi paranak pangidoan ni parboru i di uduti raja parhata ni parboru ma muse pangkataion i.
Parhata ni parboru
Hu uduti ma muse hatangki , Raja ni boru
Nangkin di na manungkun hata ni sipanganon i hami tu hamu, hudok hami tung tabo do sipanganon na pinatupa muna i, alai anggo sa sintong na di pandaian nami , tung mansai paet do sipanganon i anggo dipangkilalan nami.
Ai dia ma so dohonon nami songon i, anggo di
perasaan nami na pajolo gogo do hamu papudi uhum di pambahenan muna i tu hami .
Aha huroha sala nami tu hamu , umbahen na songoni posa pambahen muna tu hami ?
Namanaba bulu do hamu
Pabidang pargadongan
Namambahen naso uhum do hamu,
Mangasahon sinadongan .
Ndang hea dope ro hata muna tu hami mangido boru nami, ndang hea hujua hami pangidoan muna hape manigor barani puluk hamu jala sampe hati mambaen songon i tu hami.
Ala ni i , tung mansai paet do na huta on hami on, songon nidok ni umpama :
Landit jala porhot ,
Gota ni si margala-gala
Hancit jala ngot-ngot ,
Naung sangap gabe marlea
Tingkos do songon na ni dok munai, ndang manigor pahundulon nami hian hamu diamak tiar , alai ala anak ni raja do hami tutu , jala parbahul-bahul na bolon , jala nungnga mar Tuhan , ala ni i tama do hita masisesaan sala.
Onpe argahonon nami do haroro muna on , ai ingot do hami dipoda ni ompunta sijolo-jolo tubu :
Duru-duru ni saba , Panuanan ni pitola
Ndang tulahon namarsala ,
Molo ro marsomba-somba
Nungna didok hamu nangkin turuton muna do uhum adat siampehonon nami tu hamu, pangidoan nami pe antong laos songon i do, nungnga marlea hami siala pambahenan muna, on pe denggan ma ubat na bahen hamu tu hami, diama bahenon muna songon ansimun sipalambok dohot tawar sipangalumi , botima. .
Parhata ni paranak
Mauliatema Raja nami , dihata muna nauli i, nian tung mansai risi do hata muna i, alai nungnga patutna i.
Ai molo niulang hauma ,
Sundat ma iba manuan eme
Molo niula nasala,
Taonon ma rehe-rehe
Taringot di haleaon songon na nidok ni Rajai, nda na hutuntun hami noni raja nami, sangap do hamu hula-hula nami dihami.
Alai marbeha bahenon ma iba Raja nami,ndang sai dos roha niba dohot gelleng niba , tarlobi ditingki on, sai na praktis ido diroha na gabe ndang di boto be marmene-mene, jadi ido Raja nami di bahen namasa namasai..
Alai posma roha muna Raja nami, na sai bahenon nami do nasa gogo nami palashon roha ni raja i , olat ni na tarpatupa hami.
Sai luluan nami do dalan mambahen tawar sipanga
lumi tu hamu raja nami, jala ingot do hami dihata ni umpasa :
Pauk-pauk hudali , Pago-pago tarugi
Natading niulahi, Nasala pinauli-uli.
Nunga disungkun Rajai nangkin aha bahenon nami lao mangubati roha ni Raja i, na denggan doi Raja nami, alai anggo na dumenggan diroha nami , rajai sandiri ma na ma marentahon tu hami , aha sibahenon nami.
Nirimpu poting naung gok
Hape santetek aek pe so ada
Nirimpu nadenggan na nidok
Hape bonsir mambahen bada
Jadi hamu ma Raja nami mandok sian i , botima.
Parhata ni parboru
Hamu Raja ni pamoruan nami , songon on do dohonon nami, nang pe nian so malum dope roha nami , alai ala niargahon haroro muna .
Rap do hami mangkilala dohot hasuhuton nami, manghilala nahansit pambahenan muna i, ala ni dohonon ma, ingkon denggan do bahenon muna mangubati roha nasida.
Jala hamu sandiri pe nungnga di dok hamu oloan muna do sude hata nami, alai andorang so ta hatai taringot tu tawar pangalumi sibahenon muna tu hami,pangidoan nami on do, jolo suru hamu ma saonnari anak muna dohot boru nami, ro tu adopan
nami , asa jolo manopoti sala nasida tu hami botima.
Parhata ni paranak
Nauli Raja nami !
Laos disuru ma anak dohot parumaen na i hundul mangadop natoras na jala didok ma hata na.
Hata ni anak namangalua:
Di hamu amang / inang dohot dihamu sude natua-tuangku na huparsangapi, tutu do nungnga mangu-lahon hasalaan na balga au tu hamu,, pangidoan nami sai manganju ma hamu tu hami na hurang roha on,
Ai ramba naposo dope hami , Naso tubuan lata .
Naposo dope hami , Jala nahurang roha
Sesa hamu ma hasalaan nami i Amang/Inang , jala anggiat dipargogi Tuhan hami pasangaphon hamu natoras nami tu joloan niarion ( laos dijalang jala diumma simatua nai )
Hata sian boru na mangalua
DiAmang dohot Inang , amangtua , amanguda ompung ito maradu sude hamu na hupar-sangapi , au pe dohot do manopoti sala tu hamu, ala nungnga tarsor au manuntun lomo ni rohangku, sesa hamu ma salangki amang/inang sai marpangu-lahi ma roha muna di au boru muna nahurang roha
on, sai tangianghon hamu ma hami amang inang, asa boi pasangapon nami hamu tu joloan ni ari on,
(laos diumma ma natorasna huhut dijalangi sude hula-hula nai )
Parhata ni parboru
Nungnga hubege hami be hata muna i, jala jaloon nami do topot-topot muna i, muruk pe hami tu hamu muruk holong doi, on ma sipodaon nami tu hamu :
Ingot ma hamu di patik palimahon i , ai holan ido dalan asa martua iba di tano on.
Poda ni ompunta si jolo-jolo tubu pe didok do
Nitaba hau toras , Baen sopo dibalian
Natois mar natoras , Olo mohop-mohop ngalian
Dihamu pamoruan nami, udutangku ma hatangku sinangkin
Namarbaga-bagahon , ubatan muna do roha nami , jala oloan muna angka parenta nami.
Jadi mardomu tu si, dohonon nami ma , ba saonnari ma tahatai somba niuhum sipasahaton muna tu hami songon tawar pangalumi songon na nidok muna nangkin, botima.
Parhata ni paranak
Dihamu raja ni hula-hula nami nungnga tangkas huantusi hami hata munai, taringot di tawar pangalumi asa saonnari ta hatai somba niuhum
sinamot na gok si sombahonon nami tu hamu hula-hula nami, nauli doi nian raja nami , alai songon hata ni natua tua :
Hatop adong pinareakna ,
Lambat adong pinaimana
Ndada ala ni lambokna ,
Umbahen na lao tu si buluan
Ndada ala ni hatopna
Umbahen na dapot na niluluan
Sai na tibu do hami ro raja nami mambahen adat ni anak dohot parumaen nami on,disima sombahonon nami songon tawar sipangalumi tu hamu hula-hula nami.
Pos ma roha ni raja i , olat ni na tarpatupa hami , nasai pasonangon nami do roha ni raja i, molo uli roha ni raja i , anggo saonnari resep nai ma jolo hupasahat hami tu Rajai , ima songon patujolo ni somba niuhum sihataanta dope di ari na binuhul , botima .
Parhata ni parboru
Molo songo ni do didok hamu Raja ni boru , ba nauli pasahat hamu ma.
Jongjong ma natoras ni pangoli i jala dijalangkon paranaki ma patujolo ni sunamoti tu apala natoras ni parumaen na i (apala hasuhutoni.)
Ndang pola diatas ni piring , cukup holan dijalangkon langsung tu suhuti.
Dungi diganupi ma muse sada-sada ,sude nahadir disi , goar na pasituak na tonggi , ingkhon ganup sude, jala na manarui penganten i do.
Dung ganup sude roma gora ni parboru . .
Asa mangarade boruna dohot helana lao manjalo ulos tanda hela . Na pasahathon apala natoras ni boru na mangalua i do
Natoras ni boru muli
Di hamu amang hela dohot di ho borungku di ari nauli ari na denggan on ro hamu na dua na ni udurhon ni natoras mu na manopoti sala muna, tuhami natua-tua muna, nungnga hujalo hami be pangidoan munai amang, on pe pasahatongku ma tu hamu ulos tanda hela, songon tanda mulai sadarion on ma tandana naung helangku hamu, sai tiur-tiur ma pancarian muna , tibu marurat hamu tu toru marbulung tu ginjang asa tumibu hamu ro mangoloi hami hula-hula muna , asa hupasahat hami pasu-pasu nagok tu hamu (diuloshon ma tu helana dohot tu boruna ulos tanda hela i)
Holan sadai do ulos mardalan diulaon na manuruk-nuruk , anggo na torasna ndang dapot dope haduanpe dung diulaon adat na gok disipe asa di
pasahat ulos pancamot..
Dung sidung na pasahat ulos tanda hela i diuduti ma muse marhata sigabe-gabe .
Jala dung sidung marhata sigabe-gabe ditutup hula-hula i ma dohot ende dohot tangiang.
0 comments:
Post a Comment