Pangkataion Ditingki Napatua Hata
Dung sahat rombongan keluarga ni pangoli tu tonga ni jabu ni parboru mamboan sipanganon na tabo na marmiak miak lengkap dohot na margoar na., jala na ni udurhon ni dongan tubu dohot boru (anggo nuaeng on ndang haru dipamasabe dohot dongan sahuata tu ulaon na patua hata), manigor dijalo keluarga ni Parboru ma nasida ditonga ni jabu sibaganding tua jala dung dipeakkon boru ni pangoli i boan-boan i ditonga-tonga ni ruangan i , jala dung masuk sude manigor disungkun raja parhata ni parboru i ma taringot di haroro dohot lapatan ni na binoan nasida i, songon on ma didok :
Parhata ni parboru
Dihamu raja ni pamoruan nami, huida hami ro hamu udur rap dohot angka rombongan muna , huhut laos adong dison boan – boan muna dia do lapatan ni haroro dohot boan-boan muna on raja ni boru hatahon hamu ma
Parhata ni Paranak
Tingkos do hata muna i Raja nami dison udur do hami tutu rap dohot dongan tubu nami dohot boru nami manopot hamu hula-hula nami huhut mam-boan barita las niroha , taringot di sipangonon i raja nami dalan nami lao mangkatai doi dohot raja i disigat raja i ma
Parhata ni par boru
Dungi disigat raja parhata ni parboru i ma , manang saha-lak sian paidua nisuhut i.
Catatan : tongka do suruon boru manigati boan-boan ni
Raja ni pamoruan, ai ndang pariban nanaeng topoton nasida alai hula-hula do, ala ni i ingkon hula-hula do manigati boan-boan ni Raja ni pamoruan , ido tandana anak ni raja jala siboto adat.
Dung disigat Raja Parhata i manang paidua ni suhut i boan-boan ni Pamoruan i didok ma :
Tangkas do haroro ni pamoruanta on ,antong dihamu boru nami pauli hamu ma tu pudi
Dungi diangkat pamoruan ni parboru i ma tu pudi tudu-tudu nisipanganon i jala dipatupa, manigor disungkun Raja Parhata ni Parborui ma muse paranaki:
Boha Raja ni Boru , jolo mangkatai ma hita asa marsipanganon?
Manang jolo marsipanganon do hita ipe asa mangkatai ?
Sesungguhnya pertanyaan Raja Parhata ni Parboru ini mempunyai arti, maksut dan tujuan.
Kalau zaman dahulu acara patua hata dan marhusip atau marhata sinamot sering kali gagal, dan seandainya tidak ada kesepakatan pihak paranak dan parboru bisa bubar dan tudu-tudu nisipanganon dibawa paranak kembali , jadi sering kali terjadi lebih dahulu mangkatai kemudian apabila ada kesepahaman paranak dan parboru baru marsipanganon.
Tetapi sekarang ini hal seperti itu tidak pernah lagi terjadi karena sudah lebih dulu dituntaskan paranak dan parboru pada saat marhori-hori dingding
Parhata ni Paranak
Mauliate ma Raja nami, molo uli do diroha ni rajai anggo pangidoan nami nian jolo dai hamu ma jolo raja nami na huboan hami i ipe annon asa tauduti namangkatai, botima.
Setelah semua makanan terhidang , boru ni paranak membawa tudu-tudu nisipanganon tu jolo ni parboru untuk selanjutnya dipashat paranak atau dihatahon.
Namun perkembangan akhir-akhir ini makanan tidak lagi
di hidang tetapi dengan cara prasmanan sehingga yang dibawa kedepan hanya tudu-tudu ni sipanganon jala dipasahat tujulo ni parboru demikian juga parboru pasahat dengke simudurudur tu jolo ni paranak.
Parhata ni Paranak
Dihamu Raja ni hula-hula nami, dison hupatupa hami do di hamu sipanganon natabo sipanganon na marsaudara siala sangap do hamu dihami raja nami, hatana godang sibutong-butong, otik sipir nitondi, tung so sadia pe na hupatupa hamion sai pamurnas ma i tu pamatang muna saudara tu bohi, sipasindak panaili sipaneang holi-holi, horas ma hamu na manganhon horas nang hami na patupa- hon anggo na mangkatai annon ma tumangkas dung sidung hita marsipanganon raja nami , botima
Demikian juga dari pihak parboru pasahat dengke sitio-tio dengke simudur-udur, sebagai balasnya :
Parhata ni Parboru
Dihamu raja ni pamoruan nami, dison pasahaton nami do tu hamu dengke sitio-tio dengke simudur-udur, asa laos mangudurhon las niroha ma antong haroro muna tu bagas nami na marampang namarjual on, jala asa lam tu tio na panggabean parhorason dihamu boru nami songon i nang uduran muna, antong songon hata ni umpama dohonon nami
Bagot na marhalto
Na tubu dirobean
Horas ma hamu na manganhon ,
Tu ganda na dihami na patupahon, botima
Kemudian dilanjutkan doa makan dari pihak par-anak dan setelah doa dilanjutkan Parhata ni Paranak
Sititi ma sihompa
Golang-golang pangarahut na
Tung songonipe na tupa
Godang ma pinasu na ,
Marjomut ma hita raja nami , botima.
Pada saat makan, dari pihak boru ni parboru mengiris aliang-aliangdohot ate-ate ni tudu-tudu nisipanganonon yang dibawa paranak kemudian dibagikan kepada semua hula-hula , tidak salah kalaupun dibagikan kepada rombo ngan ni paranak tetapi harus terlebih dahulu dari hula-hula.
Selesai makan , parhata ni parboru menanyakkan perihal tudu-tudu ni sipanganon yang dipasahat paranak tadi, demikian :
Parhata ni Parboru
Dihamu Raja ni Pamoruan nami , nangkin nungnga dipasahat hamu tu hami tudu-tudu ni sipanganon on, songon dia partording ni on, tangkas ma hatahon hamu raja ni boru . botima
Parhata ni Paranank
Mauliate ma Raja nami, nangkin tangkas do hupasahat hami sipanganon i tu hamu , ala ni i Raja nami surung-surung muna do i botima.
Parhata ni Parboru
Mauliate ma Raja ni boru, surung-surung nami do hape sipanganon on, molo songoni : dihamu boru nami pauli hamu ma di pudi , asa boi huuduti hami pangkataion on.
Boru ni parboru membawa tudu-tudu nisipanganon tadi ke belakang untuk dibagi bagi menurut aturannya sesuai dengan undangan yang hadir pada saat itu , dan diserah-
kan pada saat mau pulang.
Dekke ni paranak pun juga diangkat boru ni paranak dari tengah dan disimpan sementara , kemudian pembicaraan dilanjutkan parboru.
Parhata ni Parboru:
Dihamu raja ni pamoruon nami, songon nidok ni na tua-tua sai jolo ninangnang do asa ni nung nung, sai jolo pinangan do asa sinukkun, nuaeng nungnga bosur be hami mangan indahan na las i, sagat marlompan juhut nataboi, sombu minum aek sito tio na tinahu muna i, disi do gandina disi gandona, disi daina disi do nang tabona, sirsir ansimna hana nang asomna, antong diama lakkat na dia unok na dia hata na dia nidok na , tangkas ma hatahon Raja ni boru, botima
Parhata ni Paranak
Mauliate ma Raja nami, nungnga manungkun Raja i dihata ni sipanganon naso sadia i, Raja nami anggo hata ni sipangonon i , godang sibutong-butong otik sipirnitondi tung so sadia pe sipanganon na hupatupa hami i raja nami sai pamurnas mai tu pamatang muna saudara tu bohi sipasindak panaili sipaneang holi-holi,
Bagot na marhalto
Na niagat dirobean
Horas ma hamu raja nami na manganhon
Tugandana dihami na patupahon
taringot dihata ni sipanganon i raja nami panggabean parhorason do, botima
Parhata ni Parboru.
Mauliate ma Raja ni Boru, panggabean parhorason do hape hata nisipanganon i, antong :
Bona ni Aekpuli
Didolok ni Sitapongan
Sai tubu ma dihamu angka nauli
Jala doras nang pangomoan
Alai Raja ni boru, sai marangkup do nauli mardongan do na denggan, asa siangkup na songon na hundul sidongan na songon na mardalan , dia ma muse sitaringotan, botima.
Parhata ni Paranak
Mauliate ma Raja nami sai tulus ma antong hata pasu-pasu na pinasahat muna i tu hami pamoruan muna, gabe jala mamora antong boru na songon i nang hula-hula na.
Tingkos do songon pandohan ni Rajai , sai mar-angkup do nauli mardongan do na denggan asa siangkup na songon na hundul sidongan na songon na mardalan tangkas ma antong paboa on tu Raja i na solot diate ate jala na gompang dipusu-pusu.
Songon naung binoto muna Raja nami ia bere muna namargoar ………. ( disebut namanya ) nungnga magodang , jala nungnga tammat sian parsingkola an na , jadi disada tingki lao ma ibana mardalani, ndang apala binoto manang aha alana , gabe sahat ibana tuhuta ni Rajai,ima huta na uli on, alai olo do ra ala na ni hiniap-hiap ni uli ni rupa ni boru ni Raja na sangap raja na maulibulung raja na gabe ima hula-hula nami dihutaon.
Jadi dung mulak ibana sian pardalanan didok ma tu hami:
Pitu lilingku ,
Pawalu jugiangku
Nauli do nipingku,
Ai dijangkon boru ni tulangi do au
ninna ibana tu hami.
Umbege hata na i Raja nami tarhalomong do hami, ai
anggo dipangkilalaan nami ba tung boru ni ise ma naolo tuibana, alai dung lam dipatangkas ibana muse, jala didokma goar ni maen nami dongan na marpadan i, ima maen nami …(disebut namanya) boru ni raja i hula-hula nami sian jabu on.
Umbege i Raja nami na hancit jala na ngot-ngot na sailaon manigor malum.,
Aha sodohonon songon i raja nami, ai nungnga dapot songon na ni dok ni umpama :
Nitapu bulung siarum ,
Baen uram nipora-pora
Nahansit gabe malum ,
Ai nungnga jumpang na diroha,
Ala ni i Raja nami pinapungu ma sude dongan tubu dohot
boru , asa manigor ni tingkathon pangkataion i asa unang holan dinaposo be , alai asa sahat ma tu na tua-tua, ipe raja nami diharoro nami apala ditingki on na lao patua hata do hami raja nami , botima.
Parhata ni Parboru
Mauliate ma Raja ni boru, nungnga tedek songon indahan dibalanga dihatahon hamu haroro muna tu bagas nami namarampang namarjualon .
Nangkin di dok hamu Raja ni boru na lao patua hata do ianggo haroro muna.
Taringot tu si songonon do Raja ni boru ndang manigor tarlean au dope keputusan tu hamu , alai jolo husungkun hami ma jolo boru nami, sotung boti naung adong parjolo hata ni namboru na , lean
hamu ma jolo tingki tuhami na mardongan tubu asa
mangkatai jolo hami.
Diadophon Raja Parhata ni Parborui ma pangkataion tu dongan tubuna dohot boruna dohot dongan sahutana didokma :
Dihita sude namardongan tubu laos songon i nang dihamu boru dohot dongan sahuta nami, nangkin nungnga rap umbege hita taringot di haroro ni pamoruonta , didok nasida nalao patua hata do nasida ditingkion , beha oloanta do i ?
Dialusi sahalak sian paidua ni suhut :
Boti do raja nami, anggo ninna rohangku jolo tasungkun ma jolo borunta , asa binoto tingkosna, sotung boti holan alu-alu ni anak nasida doi, botima
Dungi disuru raja parhatai ma pamoruan na lao manung-kun pariban na manang na toho do hata ni paranak i.
Dung disungkun pariban na i hape toho do, hata ni paranak i dung i diuduti raja parhata i ma muse :
Dihamu Raja ni boru nami, nungnga manghatai hami namardongan tubu dohot boru nami , jala nungnga husungkun hami boru nami tingkos do hata muna i.
Dia ma dohonon nami Raja ni boru anggo hami angka natoras na sitolopi na uli do hami di angka sangkap nauli, on pe didok hamu nagkin na lao patua hata do haroro muna , hujalo hami mai, horas ma jala gabebotima.
Parhata ni Paranak
Mauliate ma Raja nami, malambok pusu pangkilalaan nami siala dioloi hamu do pangidoan nami i , anggiat ma Tuhanta na patulushon sude sangkap nauli naung ta hatai dibagasan tingki on.
Alai Raja nami, ndang apala songon hata ni natua tua na mandok :
Siat jari jari siat botohon , tongka raja nami ndang apala songoni hami , huboto hami do :
Aek natio do hamu
Riongriong di pinggan pasu
Hula-hula naburju do hamu
Jala na ringgas mamasu - masu
Molo uli diroha ni rajai , pangidoan jala elehelek nami do on Raja nami.
Diboto Rajai do nadao jonok be do ingananta, asa songon na manghabit hita nian ditingki, toho muse nuaeng raja nami pangaronggos niulaon dihuta nami, boha molo laos saonnari ma raja nami ta patupa husip-husip nagogo lao mangarangrangi angka sipatupaonta disangkap nauli naung ta hatai i , botima .http://pirdot.blogspot.com
0 comments:
Post a Comment